60 ఏళ్లు దాటిన వారికి.. పైసా ఖర్చు లేకుండానే.. రద్దీ లేని వైద్యం..

గాంధీ ఆసుపత్రిలో వృద్ధుల కోసం ప్రత్యేకంగా జెరియాట్రిక్ వార్డులను ఏర్పాటు చేశారు. వృద్ధాప్యంలో వచ్చే ఆరోగ్య సమస్యలకు ప్రత్యేక చికిత్స అందించడమే ఈ వార్డుల ప్రధాన లక్ష్యం. చాలా మంది వృద్ధులు ప్రైవేట్ ఆసుపత్రులలో అధిక ఖర్చుతో కూడుకున్న చికిత్సలు చేయించుకోలేక ఇబ్బంది పడుతున్నారు. వారికి ఈ జెరియాట్రిక్ వార్డులు ఎంతో ఉపయోగకరంగా ఉంటాయి. అయితే.. ఈ వార్డుల గురించి ప్రజలకు అవగాహన లేకపోవడం.. ఆసుపత్రి యాజమాన్యం సరైన ప్రచారం చేయకపోవడం వల్ల చాలా మంది వృద్ధులు సాధారణ వార్డుల్లోనే చికిత్స పొందుతున్నారు. ఈ నేపథ్యంలో జెరియాట్రిక్ వార్డుల గురించి ప్రజలకు అవగాహన కల్పించడం చాలా అవసరం.