Anna canteens: టీటీడీ నిత్యాన్నదానం తరహాలో అన్న క్యాంటీన్ల నిర్వహణ.. చంద్రబాబు సూపర్ స్కెచ్

అన్న క్యాంటీన్లను ఆగస్ట్ 15న ప్రారంభించనున్న ఏపీ సీఎం చంద్రబాబు నాయుడు.. వీటి నిర్వహణపైనా దృష్టి సారించారు. ఈ మేరకు సోమవారం జరిగిన కలెక్టర్ల సమావేశంలో అన్న క్యాంటీన్ల నిర్వహణపై చంద్రబాబు కీలక వ్యా్ఖ్యలు చేశారు. టీటీడీ నిత్యాన్నదానం తరహాలోనే అన్న క్యాంటీన్లను నిర్వహించేలా ప్రణాళికలు రచించాలని చంద్రబాబు సూచించారు. కార్పస్ ఫండ్ ఏర్పాటుచేసి టీటీడీ నిత్యాన్నదానం కార్యక్రమం అమలు చేస్తోందన్న చంద్రబాబు.. అదే తరహాలో దాతల ద్వారా విరాళాలు సేకరించి.. వాటితో కార్పస్ ఫండ్ ఏర్పాటుచేసి అన్న క్యాంటీన్లను నిర్వహించే ఆలోచన చేయాలని సూచించారు.