AP Metro rail: మెట్రో రైలు ప్రాజెక్టుపై ఏపీ ప్రభుత్వం కీలక నిర్ణయం

ఏపీ ప్రభుత్వం మరో కీలక నిర్ణయం తీసుకుంది. ఆంధ్రప్రదేశ్ మెట్రో రైలు కార్పొరేషన్ ఎండీగా రామకృష్ణారెడ్డిని నియమించింది. ఈ మేరకు ఏపీ పురపాలకశాఖ ప్రత్యేక ప్రధాన కార్యదర్శి ఉత్తర్వులు జారీ చేశారు. గత టీడీపీ ప్రభుత్వ హయాంలోనూ రామకృష్ణారెడ్డి మెట్రో రైలు ఎండీగా వ్యవహరించారు. ఆ తర్వాత వైసీపీ ప్రభుత్వం ఆయనను బదిలీ చేసింది. అయితే విశాఖ మెట్రో ప్రాజెక్టును తిరిగి పట్టాలెక్కించాలని భావిస్తోంది టీడీపీ కూటమి ప్రభుత్వం. ఈ క్రమంలోనే రామకృష్ణారెడ్డిని ఏపీ మెట్రో రైలు కార్పొరేషన్ ఎండీగా తిరిగి తీసుకువచ్చింది. అలాగే విశాఖ మెట్రో ప్రాజెక్టు డిజైన్‌లోనూ మార్పులు చేయాలని భావిస్తోంది.