AP New Airport: ఏపీలో మరో కొత్త ఎయిర్‌పోర్ట్.. వచ్చే జనవరి కల్లా.. రయ్, రయ్..

ఏపీలో మరో ఎయిర్‌పోర్టు త్వరలో అందుబాటులోకి రానుంది. భోగాపురం అంతర్జాతీయ విమానాశ్రయం పనులు వేగంగా జరుగుతున్నాయి. ప్రస్తుతానికి 68 శాతం పనులు పూర్తైనట్లు తెలిసింది. వాస్తవానికి ఈ ఎయిర్‌పోర్టును 2026 జూన్ నాటికి పూర్తి చేయాలని అధికారులు లక్ష్యంగా పెట్టుకున్నారు. అయితే ప్రస్తుతం పనులు జరుగుతున్న తీరును చూస్తే గడువు కంటే ముందే భోగాపురం ఎయిర్‌పోర్టు నిర్మాణం పూర్తయ్యేలా ఉందని అధికారులు భావిస్తున్నారు. ఈ క్రమంలోనే వచ్చే ఏడాది జనవరిలో భోగాపురం అంతర్జాతీయ విమానాశ్రయం ప్రారంభించాలని ఏపీ ప్రభుత్వం భావిస్తోంది.