AP News: పోలీసుల చేతివాటం.. చోరీ చేసిన సొత్తులో రూ.6. లక్షలు మాయం..

దొంగ నుంచి ఆరు లక్షలు తీసుకున్న ఐదుగురు పోలీసులను విజయవాడ పోలీస్ కమిషనర్ సస్పెండ్ చేశారు. ఓ లారీ డ్రైవర్ వద్ద ఉన్న రూ.25 లక్షలను క్లీనర్ కాజేశాడు. ఓ చోట పని ఉందని చెప్పి లారీ దిగిన క్లీనర్.. రూ.25 లక్షలతో ఉడాయించాడు. దీనిపై లారీ డ్రైవర్ పోలీసులను ఆశ్రయించగా.. కేసు నమోదు చేసిన పోలీసులు దర్యాప్తు జరిపి నిందితుడిని అదుపులోకి తీసుకున్నారు. అయితే 25 లక్షలలో 18.52 లక్షలు రికవరీ అయినట్లు చూపారు. దొంగ వద్ద నుంచి రూ.6 లక్షలు లంచంగా తీసుకున్నారు. దీనిపై బాధితులు ఫిర్యాదు చేయటంతో దర్యాప్తు జరిపిన విజయవాడ పోలీసులు.. పోలీస్ సిబ్బంది డబ్బు కాజేసినట్లు గుర్తించారు. వారిపై చర్యలు తీసుకున్నారు.