AP News: బీజేపీ ఎమ్మెల్యే నోట వైసీపీ విలీనం మాట.. విష్ణుకుమార్ రాజు సంచలన వ్యాఖ్యలు

బీజేపీ ఎమ్మెల్యే విష్ణుకుమార్ రాజు సంచలన వ్యాఖ్యలు చేశారు. బీజేపీలో వైసీపీ విలీనం అంశాన్ని ప్రస్తావించారు. వచ్చే ఎన్నికల్లో వైసీపీకి ఐదు ఎమ్మెల్యే సీట్లు కూడా రావన్న విష్ణుకుమార్ రాజు.. ఆ పార్టీని విలీనం చేస్తామంటే తాము అంగీకరించబోమని తేల్చేశారు. అలాంటి ప్రతిపాదన వస్తే తీవ్రంగా వ్యతిరేకిస్తామని అన్నారు. వైసీపీ 11 సీట్ల నుంచి ఐదు సీట్లకు పడిపోతుందన్న విష్ణుకుమార్ రాజు.. అలాంటి పార్టీని చేర్చుకుని తాము కూడా నాశనం కావాలా అంటూ తీవ్ర వ్యాఖ్యలు చేశారు.