Army jawan murali naik: మురళీ నాయక్ తల్లిదండ్రులను ఓదార్చుతూ కంట తడి పెట్టుకున్న సింగర్ మంగ్లీ

ఆంధ్రప్రదేశ్ రాష్ట్రానికి చెందిన జవాన్ మురళీ నాయక్ ఆపరేషన్ సిందూర్‌లో వీరమరణం పొందిన సంగతి తెలిసిందే. శ్రీసత్యసాయి జిల్లా గోరంట్ల మండలం కల్లితండాకు చెందిన మురళీ నాయక్.. సరిహద్దుల్లో చొరబాటుదారులను అడ్డుకునే క్రమంలో వీరమరణం పొందారు. మురళీ నాయక్ అంత్యక్రియలకు ఆయన స్వగ్రామం కళ్లితండాలో ఏర్పాట్లు చేశారు. మురళీ నాయక్ అంత్యక్రియల్లో పాల్గొనేందుకు సింగర్ మంగ్లీ, భిక్షపతి నాయక్, సుజాత కల్లితండాకు వెళ్లారు. ఈ సందర్భంగా మురళీ నాయక్ తల్లిని ఓదారుస్తూ సింగర్ మంగ్లీ ఎమోషనల్ అయ్యారు. కంటతడి పెట్టుకున్నారు. ఈ వీడియో వైరల్ అవుతోంది.