Atchutapuram: ఒక్క రోజు ఆగినా ప్రాణం దక్కేది.. కన్నీరు తెప్పిస్తున్న కెమికల్ ఇంజనీర్ హారిక కథ

అనకాపల్లి జిల్లా అచ్యుతాపురం కెమికల్ ఫ్యాక్టరీ ప్రమాదంలో మరణించిన కెమికల్ ఇంజినీర్ చల్లపల్లి హారిక మృతదేహం కాకినాడలోని తన ఇంటికి చేరింది. హారిక మృతదేహాన్ని చూసిన కుటుంబసభ్యులు, బంధువులు కన్నీరుమున్నీరుగా విలపిస్తున్నారు. రాఖీపండుగ కోసం ఊరికి వచ్చి.. సోదరుడికి రాఖీ కట్టి కుటుంబ సభ్యులతో సంతోషంగా గడిపిన చల్లపల్లి హారిక.. ఇప్పుడు విగత జీవిగా కనిపించడంతో గుండెలవిసేలా రోదిస్తున్నారు. వారిని చూస్తే ఎవరికైనా కంటతడి ఆగదు. చిన్నప్పటి నుంచి చదువులోో రాణిస్తూ వచ్చిన హారిక.. ఇలా 22 ఏళ్లకే తనువు చాలించడం స్థానికులను సైతం కలిచివేస్తోంది.