Chandrababu: వరద బాధితులకు డ్రోన్లతో ఆహారం సరఫరా.. పరిశీలించిన సీఎం చంద్రబాబు

Chandrababu: విజయవాడలో ప్రస్తుతం పరిస్థితి తీవ్ర దయనీయంగా మారింది. ఇళ్లు మొత్తం వరదలో మునిగిపోవడంతో ఆహారం, నీరు దొరక్క జనం విలవిలలాడిపోతున్నారు. ఇక చిన్న పిల్లలు ఉన్నవారు పాలకోసం అవస్థలు పడుతున్నారు. ఈ క్రమంలోనే ప్రభుత్వం వారికి అన్ని రకాల సహాయాలు అందించేందుకు ప్రయత్నాలు చేస్తూనే ఉంది. ఈ నేపథ్యంలోనే డ్రోన్ల ద్వారా.. వరద బాధితులకు ఆహారం, తాగునీరు, పాలప్యాకెట్లు, మందులు అందించేందుకు ఏర్పాట్లు చేస్తోంది. ఇక ఈ ఏర్పాట్లను స్వయంగా ముఖ్యమంత్రి చంద్రబాబు పరిశీలించారు.