Chandrababu: విద్యార్థులకు కిట్ల పంపిణీలో ఆలస్యం.. సీఎం చంద్రబాబు కీలక నిర్ణయం

ఏపీలోని విద్యా విధానం దేశంలోనే అత్యుత్తమం కావాలని సీఎం చంద్రబాబు నాయుడు ఆకాంక్షించారు. సోమవారం విద్యాశాఖపై సమీక్షించిన చంద్రబాబు.. పలు కీలక నిర్ణయాలు తీసుకున్నారు. గత ప్రభుత్వంలో విద్యార్థులకు విజ్ఞాన విహార యాత్రలు, క్రీడలను ఆపివేశారని చంద్రబాబు ఆరోపించారు. ఇవన్నీ తిరిగి ప్రారంభించాలన్న చంద్రబాబు.. ఒత్తిడి లేని విద్యను విద్యార్థులకు అందించాలని చంద్రబాబు ఆదేశించారు. మరోవైపు విద్యార్థులకు కిట్లను అందజేయడంలో జాప్యం చేసిన ఏజెన్సీపై చర్యలు తీసుకోవాలని చంద్రబాబు ఆదేశించారు.