dasara holidays 2024:సెలవుల్లో అరకు వెళ్లేవారికి శుభవార్త.. రైల్వేశాఖ కీలక నిర్ణయం

అరకు వెళ్లే పర్యాటకులకు రైల్వేశాఖ తీపికబురు అందించింది. దసరా సెలవుల నేపథ్యంలో అరకు చూడ్డానికి సందర్శకులు పెద్దఎత్తున తరలివచ్చే అవకాశం ఉంది. ఈ నేపథ్యంలో విశాఖపట్నం- అరకు ప్రత్యేక రైలు సర్వీసును అందుబాటులోకి తెస్తోంది. అక్టోబర్ ఐదో తేదీ నుంచి 15 వరకూ ఈ ప్రత్యేక రైలు నడవనుంది. ఉదయం విశాఖలో బయల్దేరి మధ్యాహ్నానికి అరకు చేరనున్న రైలు.. తిరిగి అరకులో బయల్దేరి సాయంత్రానికి విశాఖపట్నానికి చేరుకుంటుంది. ఈ విషయాన్ని రైల్వేశాఖ ఓ ప్రకటనలో తెలిపింది.