Gachibowli Gun Fire: హైదరాబాద్‌లో మరోసారి కాల్పుల కలకలం.. పోలీసులపై దొంగ కాల్పులు..

హైదరాబాద్ గచ్చిబౌలిలో కాల్పులు కలకలం రేపాయి. ప్రిజమ్ పబ్ వద్ద తనను పట్టుకునేందుకు వచ్చిన పోలీసులపై ఓ దొంగ కాల్పులు జరిపాడు. ఈ కాల్పుల్లో సైబరాబాద్ సీసీఎస్ కానిస్టేబుల్ వెంకటరామిరెడ్డికి గాయాలయ్యాయి. అలాగే పబ్‌లోని బౌన్సర్ కూడా గాయపడ్డారు. వీరిద్దరిని ఆస్పత్రికి తరలించి చికిత్స అందిస్తున్నారు. మరోవైపు కాల్పులు జరిపినప్పటికీ పోలీసులు సాహసం చేసి దొంగను అదుపులోకి తీసుకున్నట్లు సమాచారం. అయితే ఈ ఘటనతో ప్రిజమ్ పబ్ పరిసరాల్లో హైటెన్షన్ వాతావరణం ఏర్పడింది.