Guntur GGH: కేంద్ర మంత్రి పిలుపుతో కదిలిన బ్యాంకర్లు.. 2 వారాల్లో సమస్య పరిష్కారం

కేంద్ర మంత్రి పెమ్మసాని ఇచ్చిన పిలుపుతో గుంటూరు ప్రభుత్వాసుపత్రిలో ఏసీల సమస్యకు పరిష్కారం దొరికింది. రెండువారాల కింద ఆస్పత్రి అధికారులతో పెమ్మసాని సమీక్ష నిర్వహించారు. ఈ సమీక్షలో ఏసీల అంశం ప్రస్తావనకు వచ్చింది. దీంతో సీఎస్ఆర్ కింద ఏసీలు అందించాలని కేంద్ర మంత్రి పెమ్మసాని పిలుపునిచ్చారు. ఈ పిలుపునకు స్పందించిన బ్యాంకర్లు.. జీజీహెచ్‌కు 28 ఏసీలు అందించారు. సోమవారం మంత్రి చేతుల మీదుగా వీటిని ఆస్పత్రి వర్గాలకు అందజేశారు. దీనిపై మంత్రి సంతోషం వ్యక్తం చేశారు.