Hyderabad: బరాబర్‌ నేను క్వార్టర్ తాగినా బయ్.. పోలీస్ స్టేషన్‌లో మహిళ హల్‌చల్

మద్యం సేవించి పోలీస్ స్టేషన్‌కు వచ్చిన ఓ మహిళ.. రచ్చ రచ్చ చేసింది. తాను తాగినా అని.. అయితే ఏంటి? అంటూ హంగామా చేయడంతో పోలీసులే అవాక్కయ్యారు. ఈ ఘటన హైదరాబాద్‌లో ఉప్పల్ పోలీస్ స్టేషన్‌లో చోటుచేసుకుంది. మద్యం సేవించి పీఎస్‌కు వచ్చిన ఆమె.. పోలీసులు బ్రీతింగ్ ఎనలైజర్‌తో పరీక్ష చేస్తుంటే వాగ్వాదానికి దిగింది. ‘అవును నేను క్వార్టర్ తాగిన ఏం చేస్తారో చేసుకోండి’ అని బెదిరింపు ధోరణి ప్రదర్శించింది. మద్యం మత్తులో స్థానికులతో ఆమె గొడవకు దిగంది. ఇలా ఫిర్యాదు చేయడం ఆమెకు అలవాటుగా మారిందని పోలీసులు తెలిపారు. ఆమెనురామంతాపూర్‌లోని వివేక్‌నగర్‌కు చెందిన మహిళగా గుర్తించారు. బ్రీతింగ్‌ ఎనలైజర్‌తో పరీక్షించేందుకు పోలీసులు ప్రయత్నించగా వారికి చుక్కలు చూపించింది. ప్రస్తుతం దీనికి సంబంధించిన వీడియో సోషల్‌ మీడియాలో వైరలవుతోంది.