Hyderabad: వేగంగా వచ్చి ఫెన్సింగ్‌ను ఢీకొట్టి.. బాలకృష్ణ ఇంటి ముందు కారు బీభత్సం

శుక్రవారం తెల్లవారుజామున జూబ్లీహిల్స్‌లో వేగంగా వచ్చిన ఓ కారు బీభత్సం సృష్టించింది. ఈ క్రమంలో టాలీవుడ్ సీనియర్ హీరో బాలకృష్ణ ఇంటి ముందు ఫుట్‌పాత్‌పైకి ఎక్కింది. దీంతో అక్కడున్న ఫెన్సింగ్‌ ధ్వంసమైంది. ఈ ఘటనతో స్థానికులు ఉలిక్కిపడ్డారు. ఈ ప్రమాదంలో కారు నడుపుతోన్న వ్యక్తికి ఎటువంటి గాయాలు కాలేదు. కాగా, నగరంలో మరో హిట్ అండ్ రన్ కేసు చోటుచేసుకుంది. తాగి కారు నడిపి ప్రమాదానికి కారణమైన వ్యక్తిని పోలీసులు అరెస్ట్ చేశారు.