IT Jobs: ఐదు ఉద్యోగాలు సాధించిన అద్దంకి యువతి.. విజయ రహస్యం అదేనట!

పక్కా లక్ష్యంతో ముందుకెళ్తే అనుకున్నది సాధించివచ్చని నిరూపించిందో యువతి. ఒకటీ రెండు కాదు ఏకంగా ఐదు ఉద్యోగాలు సాధించి శెభాష్ అనిపించుకుంటోంది. తల్లిదండ్రులకు కాలేజీలో సత్కారం చేయించాలనే లక్ష్యంతో కష్టపడి చదవిన ఆ యువతి.. ఐదు సాఫ్ట్‌వేర్ ఉద్యోగాలు సాధించి అందరితోనూ వహ్వా అనిపించుకుంటోంది. బాపట్ల జిల్లా అద్దంకి మండలానికి చెందిన శ్రావణి ఇంజినీరింగ్ ఫైనలియర్ చదువుతూ ఐదు ఉద్యోగాలు సాధించింది. తొలిసారి సాధించిన ఉద్యోగం ప్యాకేజీతో పోలిస్తే ఐదో ఉద్యోగం ప్యాకేజీ నాలుగు రెట్లు అధికం కావటం విశేషం.