Monkeypox: ఎంపాక్స్‌ నిర్ధరణ కోసం దేశంలోనే తొలి ఆర్టీ పీసీఆర్ కిట్.. విశాఖ మెడ్‌టెక్ జోన్ ఆవిష్కరణ

విశాఖపట్నంలోని మెడ్‌టెక్ జోన్ మరో అరుదైన ఘనత సాధించింది. ప్రపంచవ్యాప్తంగా కలవరం రేపుతున్న మంకీపాక్స్ వైరస్‌ నిర్ధారణకు ఆర్టీ పీసీఆర్ కిట్ తయారుచేసింది. మనదేశంలో మంకీపాక్స్ నిర్ధరణ కోసం తయారైన తొలి ఆర్టీ- పీసీఆర్ కిట్ ఇదే కావటం విశేషం. ఈ కిట్‌కు ఇప్పటికే ఐసీఎంఆర్, సీడీఎస్‌సీవో నుంచి అనుమతి కూడా లభించింది. ఎర్బాఎండీఎక్స్ ఎంపాక్స్ పేరుతో ఈ కిట్‌ను తయారు చేశారు. మనదేశంలో ఎంపాక్స్ వ్యాప్తిపై ఆందోళన వ్యక్తమవుతున్న తరుణంలో కిట్ రావటం కీలకంగా మారింది.