Nagababu: పవన్ విజయానికి తామే కారణమని ఎవరైనా అనుకుంటే వారి ‘ఖర్మ’: నాగబాబు

Nagababu: పిఠాపురంలో జరుగుతున్న జయకేతనం సభలో జనసేన ఎమ్మెల్సీ నాగబాబు చేసిన వ్యాఖ్యలు దుమారం రేపుతున్నాయి. పిఠాపురం నియోజకవర్గంలో పవన్ కళ్యా్ణ్ గెలుపు గురించి ప్రస్తావించిన నాగబాబు.. ఈ విజయంలో పవన్ కళ్యా్ణ్.. నియోజకవర్గంలోని జనసైనికులు, ఓటర్ల కృషి ఎంతో ఉందని అన్నారు. అంతవరకు బాగానే ఉన్నా.. పవన్ విజయానికి తామే కారణమని ఎవరైనా అనుకుంటే అది వారి ఖర్మ అనడమే ఇప్పుడు వివాదానికి దారి తీసినట్లయింది. ఈ వ్యాఖ్యలు పిఠాపురం వర్మను ఉద్దేశించి అన్నవేనని నెటిజన్లు పేర్కొంటున్నారు.