Nandamuri Balakrishna: సీఎం బావకు బాలకృష్ణ రిక్వెస్ట్.. నెరవేరేనా?

tdp mla nandamuri balakrishna open anna canteens in hindupur: టీడీపీ ఎమ్మెల్యే నందమూరి బాలకృష్ణ హిందూపురంలో అన్న క్యాంటీన్లను ప్రారంభించారు. రెండుచోట్ల అన్న క్యాంటీన్లను ప్రారంభించిన బాలకృష్ణ.. అనంతరం స్వయంగా వారికి భోజనాలు వడ్డించారు. అనంతరం మీడియాతో మాట్లాడిన బాలకృష్ణ.. అన్న క్యాంటీన్లను పునఃప్రారంభించడం ఎంతో ఆనందంగా ఉందన్నారు. త్వరలోనే మరిన్ని అందుబాటులోకి తెస్తామన్న నందమూరి బాలకృష్ణ.. ఆర్థిక పరిస్థితి ఎలా ఉన్నా కూడా సంక్షేమ పథకాలను అమలు చేస్తామని స్పష్టం చేశారు. మరోవైపు హిందూపురాన్ని జిల్లా కేంద్రం చేయాలనే ప్రతిపాదనలను సీఎం చంద్రబాబు దృష్టికి తీసుకెళ్తానని బాలకృష్ణ తెలిపారు.