Palnadu: హాస్టల్ గోడ దూకి పారిపోయిన విద్యార్థులు.. అసలు కారణం తెలిస్తే షాకే!

గురుకుల పాఠశాల నుంచి విద్యార్థులు పారిపోయిన ఘటన పల్నాడు జిల్లాలో చోటుచేసుకుంది. ఒకేసారి 35 మంది విద్యార్థులు గోడ దూకి పారిపోవటం కలకలం రేపింది. దీంతో ఉపాధ్యాయులు పోలీసులను ఆశ్రయించారు. దీంతో రంగంలోకి దిగిన పోలీసులు విద్యార్థుల ఆచూకీని గుర్తించారు. అనంతరం అక్కడకు చేరుకుని వారిని హాస్టల్ తిరిగి తీసుకువచ్చారు. అయితే ఈ సందర్భంగా హాస్టల్ నుంచి వెళ్లిపోవటానికి విద్యార్థులు చెప్పిన కారణాలు చూసి పోలీసులు షాక్ తిన్నారు. ఉపాధ్యాయులు వేధిస్తున్నారని, ఆడుకోనివ్వడం లేదని.. స్లిప్ టెస్టులు రోజూ పెడుతున్నారంటూ విద్యార్థులు ఫిర్యాదు చేశారు. అలాగే హాస్టల్ ఫుడ్ కూడా సరిగా లేదంటూ ఫిర్యాదు చేశారు. దీంతో తాము విచారణ చేస్తామని పోలీసులు వారికి హామీ ఇచ్చారు.