Pawan kalyan: ఏపీ డిప్యూటీ సీఎం పవన్ కళ్యాణ్‌ మెచ్చిన సర్పంచ్ .. ఎవరీ కారుమంచి సంయుక్త?

Pawan kalyan at Swarna Grama Panchayat in Mysooravariapalli: ఏపీ డిప్యూటీ సీఎం పవన్ కళ్యాణ్.. ఓ మహిళా సర్పంచును మెచ్చుకున్నారు. అన్నమయ్య జిల్లా రైల్వేకోడూరు మండలం మైసూరువారిపల్లె గ్రామంలో నిర్వహించిన స్వర్ణ గ్రామ పంచాయతీ కార్యక్రమానికి పవన్ కళ్యాణ్ హాజరయ్యారు. ఈ సందర్భంగా స్థానిక సర్పంచ్ కారుమంచి సంయుక్తను ఆయన అభినందించారు. ఏపీలో జరిగిన పంచాయతీ ఎన్నికల్లో జనసేన నుంచి పోటీచేసిన కారుమంచి సంయుక్త.. సర్పంచ్‌గా విజయం సాధించారు. ఈ నేపథ్యంలో అప్పట్లో భయపడకుండా కారుమంచి సంయుక్త పోటీలో నిలబడ్డారని పవన్ కళ్యాణ్ కొనియాడారు.