Pawan kalyan: గ్రామసభల నిర్వహణపై ఏపీ డిప్యూటీ సీఎం కీలక ఆదేశాలు

ఏపీ డిప్యూటీ సీఎం పవన్ కళ్యాణ్ సోమవారం అధికారులతో వీడియో కాన్ఫరెన్స్ నిర్వహించారు. ఉపాధి హామీ పథకంలో భాగంగా చేపట్టే పనుల ఆమోదం కోసం ఈ నెల 23న నుంచి గ్రామ సభలు నిర్వహించనున్నారు. ఈ నేపథ్యంలో గ్రామసభల నిర్వహణ, విధివిధానాలపై అధికారులతో పవన్ కళ్యాణ్ చర్చించారు. ఈ పథకం కింద రూ.వేల కోట్ల పనులు చేయబోతున్నందున.. ప్రతి రూపాయినీ బాధ్యతతో ఖర్చు చేయాలని అధికారులకు స్పష్టం చేశారు. గ్రామ స్థాయి నుంచి జిల్లా స్థాయి అధికారి వరకూ అందరూ బాధ్యతగా వ్యవహరించాలని సూచించారు.