Tirumala darshan: శ్రీవారి భక్తులకు అలర్ట్.. వివిధ ప్రత్యేక దర్శనాలు రద్దు.. ఎప్పటి నుంచి అంటే..?

తిరుమల వెళ్లేవారికి అలర్ట్.. అక్టోబర్ నెలలో 9 రోజుల పాటు తిరుమల శ్రీవారి ఆలయంలో బ్రేక్ దర్శనాలు, ఆర్జిత సేవలను టీటీడీ రద్దుచేసింది. తిరుమల శ్రీవారి బ్రహ్మోత్సవాలు సందర్భంగా ఈ నిర్ణయం తీసుకుంది. బ్రహ్మోత్సవాలకు భారీ సంఖ్యలో భక్తులు హాజరయ్యే అవకాశం ఉన్న నేపథ్యంలో సాధారణ భక్తులకు ఇబ్బందులు కలగకుండా వివిధ ప్రత్యేక దర్శనాలను, ఆర్జిత సేవలను, బ్రేక్ దర్శనాలు రద్దు చేశారు. ఈ విషయాన్ని భక్తులు గమనించాలని టీటీడీ ఓ ప్రకటనలో కోరింది.