Tirumala: శ్రీవారి బ్రహ్మోత్సవాల కోసం ఘనంగా ఏర్పాట్లు.. భక్తుల కోసం కొత్తగా.. టీటీడీ కీలక నిర్ణయం

తిరుమల శ్రీవారి సాలకట్ల బ్రహ్మోత్సవాలకు తిరుమల తిరుపతి దేవస్థానం సిద్ధమవుతోంది. అక్టోబర్ నాలుగో తేదీ నుంచి బ్రహ్మోత్సవాలు ప్రారంభం కానుండగా.. నెలరోజుల ముందుగానే హడావిడి మొదలైంది. బ్రహ్మోత్సవాల ఏర్పాట్లపై టీటీడీ ఈవో శ్యామలరావు సమీక్ష నిర్వహించారు. అన్ని శాఖల సమన్వయంతో బ్రహ్మోత్సవాలను వైభవంగా నిర్వహించాలని అధికారులను ఆదేశించారు. అలాగే బ్రహ్మోత్సవాల కోసం వచ్చే భక్తుల రద్దీని దృష్టిలో పెట్టుకుని తిరుమలలో నూతనంగా ఎనిమిది ప్రథమ చికిత్సా కేంద్రాలు ఏర్పాటు చేయనున్నారు.