Tirumala: శ్రీవారి భక్తులకు అలర్ట్.. నేడే నవంబరు నెల ఆర్జిత సేవల టిక్కెట్లు విడుదల

తిరుమల శ్రీవారి దర్శనాలకు వెళ్లే భక్తులు మూడు నెలల ముందుగానే టిక్కెట్లు బుక్ చేసుకునే అవకాశం టీటీడీ కల్పిస్తోంది. ఆర్జిత సేవా టికెట్లను ఆన్‌లైన్‌లో విడుదల చేసి... రిజిస్ట్రేషన్ చేసుకున్న వారికి లక్కీ డిప్ నిర్వహిస్తుంది. ఈ లక్కీ డిప్ లో టికెట్లు దక్కించుకున్న వారు టీటీడీ నిర్దేశించిన సొమ్మును చెల్లించి, కన్ఫార్మ్ చేసుకోవాల్సి ఉంటుంది. ఆర్జిత సేవల్లో భాగంగా ఊంజల్ సేవ, కళ్యాణోత్సవం, సహస్ర దీపాలంకరణ సేవ, ఆర్జిత బ్రహ్మోత్సవాలు ఉంటాయి.