అప్పుడు వైకుంఠం.. ఇప్పుడు కైలాసం.. చంద్రబాబు పాలనపై షర్మిల రియాక్షన్

ఏపీలో టీడీపీ కూటమి ప్రభుత్వం ఆరు నెలల పాలనపై వైఎస్ షర్మిల విమర్శలు గుప్పించారు. సూపర్ సిక్స్ హామీలను అమలు చేయకుండా కాలయాపన చేస్తున్నారన్న షర్మిల.. అడిగితే వైసీపీపై నెపం నెట్టేస్తున్నారని అన్నారు. వైసీపీ దోపిడీ కారణంగానే ఆ పార్టీని 11 సీట్లకు పరిమితం చేశారన్న షర్మిల.. ఇప్పటికైనా ఇచ్చిన హామీలను అమలు చేయాలని అన్నారు. 2014లో అధికారంలోకి వచ్చిన సమయంలో అరచేతిలో వైకుంఠం చూపితే.. ఇప్పుడు కైలాసం చూపుతున్నారంటూ ఎద్దేవా చేశారు. బాబు షూరిటీ భవిష్యత్ గ్యారెంటీ కాస్తా బాబు ష్యూరిటీ వడ్డింపులకు గ్యారెంటీగా మారిందంటూ మండిపడ్డారు.