ఆ నాయకుడి పోరాటంతోనే హైదరాబాద్‌కు మంజీరా జలాలు.. సీఎం రేవంత్ రెడ్డి కీలక వ్యాఖ్యలు..

ముఖ్యమంత్రి రేవంత్ రెడ్డి రూ. 7,360 కోట్ల వ్యయంతో నిర్మించనున్న గోదావరి తాగునీటి పథకానికి గండిపేట వద్ద శంకుస్థాపన చేశారు. ఈ ప్రాజెక్టు ద్వారా హైదరాబాద్‌కు 20 టీఎంసీల గోదావరి నీటిని తరలించనున్నారు. ఇది మూసీ పునరుజ్జీవ పథకంలో ఒక కీలక అడుగు. ఈ పథకం ద్వారా ఉస్మాన్‌సాగర్, హిమాయత్‌సాగర్ చెరువులను మంచి నీటితో నింపి, మూసీ నదిలో నీటి ప్రవాహం నిలిచి ఉండటానికి దోహదపడనుంది. ఈ ప్రాజెక్టును రెండేళ్లలో పూర్తి చేయాలని ప్రభుత్వం లక్ష్యంగా పెట్టుకుంది. ఈ పథకం హైదరాబాద్ నగర ప్రజల తాగునీటి అవసరాలను తీర్చడమే కాకుండా.. నగర జీవన ప్రమాణాలను కూడా మెరుగుపరుస్తుంది.