ఆ లేఖ కవిత రాయలేదా..? ఆ సంతకం ఆమెది కాదా..? మరి హ్యాండ్ రైటింగ్ సంగతేంటి?

బీఆర్ఎస్ ఎమ్మెల్సీ కల్వకుంట్ల కవిత కేసీఆర్‌కు రాసినట్లుగా చెబుతున్న ఒక లేఖ సామాజిక మాధ్యమాల్లో వైరల్‌గా మారింది. వరంగల్ సభ నిర్వహణ, బీజేపీపై విమర్శల తీవ్రత, భవిష్యత్ పొత్తు ప్రచారాలపై అసంతృప్తి, ప్లీనరీల నిర్వహణ ఆవశ్యకతను ఈ లేఖలో కవిత వ్యక్తం చేసినట్లు ఉంది. అయితే, లేఖలోని సంతకం కవితది కాదని బీఆర్ఎస్ నేతలు వాదిస్తుండగా, ఆమె పాత లేఖలతో చేతిరాతను పోల్చుతూ కొందరు ఇది నిజమైన లేఖే అని అంటున్నారు. మంత్రి కోమటిరెడ్డి ఈ లేఖను కేటీఆర్, హరీష్‌రావు రాశారని ఆరోపించారు.