ఆ వందేభారత్ రైలు చెత్త రికార్డు.. దేశంలోనే ఫస్ట్ టైమ్ ఇలా!

మనదేశంలో ఇప్పటికే పలుచోట్ల వందేభారత్ ఎక్స్‌ప్రెస్ రైళ్లు నడుస్తున్నాయి. జనం నుంచి కూడా వీటికి మంచి ఆదరణ లభిస్తోంది. దీంతో కొన్ని వందేభారత్ రైళ్లను అదనపు బోగీలు కూడా అమర్చుతున్నారు. అయితే విశాఖ దుర్గ్ వందేభారత్ ఎక్స్‌ప్రెస్ రైలు ఓ చెత్త రికార్డు మూటగట్టుకుంది. ఆక్యుపెన్సీ రేటు తక్కువగా ఉండటంతో ఈ రైలులోని బోగీల సంఖ్యను కుదించారు. ప్రారంభించినప్పుడు 16 బోగీలు ఉండగా.. వాటిని ఎనిమిదికి తగ్గించారు. దీంతో ఆక్యుపెన్సీ రేటు తక్కువగా ఉండి కోచ్‌ల సంఖ్యను తగ్గించిన తొలి వందేభారత్ రైలుగా విశాఖ దుర్గ్ వందేభారత్ రైలు నిలిచింది.