ఆస్ట్రేలియా బాటలో ఏపీ ప్రభుత్వం.. పిల్లల భవితవ్యం కోసం.. 16ఏళ్లు దాటితేనే ఆ అనుమతి!

AP Ban On Social Media For Under 16 Years: ఆస్ట్రేలియా తరహాలో 16 ఏళ్లలోపు పిల్లలకు సోషల్ మీడియా నిషేధంపై ఆంధ్రప్రదేశ్ ప్రభుత్వం ఆలోచిస్తోంది. దావోస్‌లో ఏపీ మంత్రి నారా లోకేష్ ఈ విషయాన్ని వెల్లడించారని ఓ వెబ్‌సైట్ ప్రస్తావించింది. పిల్లల భద్రత దృష్ట్యా కఠిన చట్టాలు తీసుకురావాలని భావిస్తున్నట్లు తెలిపారు. దేశవ్యాప్తంగా ఈ తరహా ఆంక్షలపై కేంద్రం ఇంకా స్పష్టత ఇవ్వలేదు. ఈ నేపథ్యంలో రాష్ట్ర ప్రభుత్వాలు చట్టపరమైన, సాంకేతిక సవాళ్లను ఎదుర్కోవాల్సి ఉంటుంది.