ఈ బస్సు నడుపుడు నావల్ల కాదు సామీ.. నడిరోడ్డు మీదే ఆపేసి, దిగిపోయిన ఆర్టీసీ డ్రైవర్

తెలంగాణలో మహాలక్ష్మి పథకం అమలవటమేమో కానీ.. ప్రయాణికులతో ఆర్టీసీ బస్సులు కళకళలాడిపోతున్నాయి. కాదు కాదు.. కిక్కిరిసిపోతున్నాయి. పరిమితికి మించి జనాలు ఎక్కేస్తున్నారు. దీంతో.. ఎక్సలరేటర్ తొక్కలేక డ్రైవర్, టికెట్లు కొట్టలేక కండక్టర్ తీవ్ర ఇబ్బందులు పడుతున్నారు. ఈక్రమంలోనే.. ఓ డ్రైవర్ చేతులెత్తేశాడు. ఈ బస్సు నడపటం నావల్ల కాదు బాబోయ్ అంటూ.. నడిరోడ్డు మీదే బస్సు ఆపేసి.. దిగిపోయాడు. ఈ ఘటన కరీంనగర్ జిల్లా హుజూరాబాద్‌లో జరిగింది.