ఈటల రాజేందర్‌కు గులాబీ బాస్ కేసీఆర్ ఫోన్.. క్లారిటీ ఇచ్చిన బీజేపీ ఎంపీ

బీజేపీ ఎంపీ ఈటల రాజేందర్ మీద సోషల్ మీడియాలో ఇంట్రెస్టింగ్ వార్తలు వైరల్ అవుతున్నాయి. ఈటలకు కేసీఆర్ ఫోన్ చేశారని.. మళ్లీ కలిసి పని చేద్దామని పిలిచారంటూ రకరకాల వార్తలు చక్కర్లు కొడుతున్నాయి. ఈ వార్తలపై.. ఈటల రాజేందర్ స్పందించారు. కేసీఆర్ తనకు ఫోన్ చేశారనటంలో ఎలాంటి నిజం లేదని.. ఆ వార్తలన్ని పూర్తిగా నిరాధారమైనవని ఈటల రాజేందర్ చెప్పుకొచ్చారు. తానంటే గిట్టని వారే ఇలాంటి వార్తలు వైరల్ చేస్తున్నారని ఈటల మండిపడ్డారు.