ఉపాధి కూలీలకు కొత్త పనులు.. వాటి కోసం రూ.1800 కోట్లు.. ఇక నివాస ప్రాంతాల్లోనే..

తెలంగాణలో మంత్రి సీతక్క ఉపాధి హామీ పనులు త్వరలో ప్రారంభించనున్నట్లు ప్రకటించారు. రూ. 1,800 కోట్లతో పనులు మంజూరు అయ్యాయి. అంగన్‌వాడీలు, గ్రామ పంచాయతీ భవనాలకు అధిక ప్రాధాన్యం ఇస్తున్నారు. ఈ ఏడాది 1440 పంచాయతీ కార్యాలయాలు, 1400 అంగన్‌వాడీల నిర్మాణం జరుగుతుంది. నెలవారీ లక్ష్యాలు నిర్దేశించుకొని పనులు చేయాలని అధికారులకు సూచించారు. ఎంపీడీవోల బదిలీలు, వాహనాల అలవెన్స్‌ల ఫైళ్లకు రెండు రోజుల్లో క్లియరెన్స్ వస్తుంది. ఇతర రాష్ట్రాల విధానాలు అధ్యయనం చేయనున్నారు. 15 రోజుల్లో టెండర్లు వేయాలని ఆదేశించారు.