ఎట్టకేలకు రెండేళ్ల కల సాకారం.. జాతీయ రహదారిపై సెంట్రల్ లైటింగ్ ప్రారంభం..

సిద్దిపేట జిల్లాలోని సముద్రాల, బస్వాపూర్ గ్రామాల్లోని జాతీయ రహదారిపై సెంట్రల్ లైటింగ్‌ను జిల్లా కలెక్టర్ హైమవతితో కలిసి మంత్రి పొన్నం ప్రభాకర్ ప్రారంభించారు. దాదాపు రెండేళ్ల నుంచి రాత్రి వేళల్లో వెలుతురు లేక ప్రజలు, ముఖ్యంగా మహిళలు, పిల్లలు పడుతున్న ఇబ్బందులు ఈ లైటింగ్ ప్రారంభంతో తీరిపోయాయని గ్రామస్తులు ఆనందం వ్యక్తం చేశారు. ఈ కార్యక్రమం నిర్వహించినందుకు ఆర్ అండ్ బి, విద్యుత్ శాఖ అధికారులకు కృతజ్ఞతలు తెలిపారు. ఈ ప్రారంభోత్సవంలో స్థానిక నాయకులు, అధికారులు, గ్రామ ప్రజలు పాల్గొన్నారు.