ఎమ్మెల్సీ ఎన్నికల కోసం వైసీపీ దూకుడు.. కూటమి కంటే ముందే అభ్యర్థి ఖరారు

ఏపీలో త్వరలోనే ఎన్నికల నగారా మోగనుంది. రెండు ఎమ్మెల్సీ స్థానాలకు ఎన్నికలు జరగనున్నాయి. ఉమ్మడి కృష్ణా - గుంటూరు, తూర్పు- పశ్చిమగోదావరి పట్టభద్రుల ఎమ్మెల్సీ ఎన్నికలు జరగనున్నాయి. ఈ ఎన్నికల కోసం ఓటర్ల నమోదుకు ఇప్పటికే ఎన్నికల సంఘం నోటిఫికేషన్ విడుదల చేసింది. ఓటర్లుగా నమోదు చేసుకునేందుకు పట్టభద్రులకు అవకాశం కూడా కల్పించింది. ఈ క్రమంలోనే ఎన్నికల కోసం వైసీపీ తమ అభ్యర్థిని ఖరారు చేసింది. ఉమ్మడి కృష్ణా గుంటూరు పట్టభద్రుల ఎమ్మెల్సీ ఎన్నికల అభ్యర్థిగా పొన్నూరు గౌతంరెడ్డి పేరును ఖరారు చేసింది.