ఏపీ ప్రజలకు ఓ బ్యాడ్ న్యూస్.. మరో గుడ్ న్యూస్ చెప్పిన డీజీపీ..!

ఆంధ్రప్రదేశ్‌లో సైబర్ క్రైమ్ రేటు పెరుగుతోందని డీజీపీ ద్వారకా తిరుమలరావు వెల్లడించారు. ఇతర నేరాలు తగ్గుముఖం పట్టాయని.. కానీ సైబర్ నేరాల సంఖ్య పెరిగిందని చెప్పారు. శ్రీకాకుళంలో మీడియాతో మాట్లాడిన ఏపీ డీజీపీ.. ఈ వివరాలను వెల్లడించారు. సైబర్ నేరాల కట్టడికి ఆంధ్రప్రదేశ్ వ్యాప్తంగా ప్రతి జిల్లాలో ఓ సైబర్ క్రైమ్ పోలీస్ స్టేషన్ ఏర్పాటు చేస్తామని డీజీపీ వివరించారు. సైబర్ మోసాలపై వీటి ద్వారా అవగాహన కల్పిస్తామన్నారు. అలాగే గంజాయి కట్టడిపైనా పోలీస్ శాఖ పటిష్ట చర్యలు చేపడుతోందని వివరించారు.