ఏపీ రైతులకు అలర్ట్.. ధాన్యం కొనుగోళ్లపై ప్రభుత్వం కీలక నిర్ణయం.. అవి తప్పనిసరి

రైతులకు ఏపీ ప్రభుత్వం శుభవార్త వినిపించింది. ధాన్యం కొనుగోళ్లపై కీలక ప్రకటన చేసింది. వికేంద్రీకరణ విధానంలో ధాన్యం కొనుగోలు చేస్తామన్న ప్రభుత్వం.. రైతు సేవా కేంద్రాలు, ధాన్యం సేకరణ కేంద్రాల ద్వారా కొనుగోలు చేయనున్నట్లు తెలిపింది. మరోవైపు రైతుల నుంచి ఈ- క్రాప్, ఈ - కేవైసీ ద్వారా వివరాలను సేకరించాలని.. ఆధార్ అనుసంధానం ద్వారా.. ఈ- కేవైసీ, ఈ - క్రాప్‌తో రైతుల ఖాతాల్లోకి నగదు చెల్లింపులు చేయాలని స్పష్టం చేసింది. ఈ మేరకు ధాన్యం కొనుగోళ్లపై మార్గదర్శకాలు జారీ చేసింది.