ఏపీకి కేంద్రం తీపికబురు.. 11చోట్ల నగరవనాలు.. నిధులు విడుదల

Centre funds for 11 urban Forests in AP: కేంద్ర ప్రభుత్వం నుంచి ఏపీకి మరో గుడ్ న్యూస్ అందింది. మున్సిపల్ కార్పొరేషన్లు, మున్సిపాలిటీలలో నగరవనాల అభివృద్ధి కోసం ఏపీకి కేంద్రం నిధులు విడుదల చేసింది. 11 నగరవనాల ఏర్పాటు కోసం తొలివిడతగా రూ.15.4 కోట్లను విడుదల చేసింది. ఈ విషయాన్ని ఏపీ డిప్యూటీ సీఎం పవన్ కళ్యాణ్ వెల్లడించారు. అటవీశాఖ అధికారులతో శనివారం సమీక్షించిన పవన్ కళ్యాణ్.. ఈ విషయాన్ని వెల్లడించారు. ఏయే ప్రాంతాల్లో నగరవనాలు ఏర్పాటుచేస్తున్నదీ తెలిపారు. అలాగే ప్రస్తుతం నిర్మాణంలో ఉన్న నగరవనాల అభివృద్ధి పనులను వేగవంతం చేయాలని ఆదేశించారు.