ఏపీలో అదానీ గ్రూప్ మరో భారీ పెట్టుబడి.. చంద్రబాబుతో భేటీ, రూ.16 వేల కోట్లతో టైటానియం ప్లాంట్

ఏపీలో పెట్టుబడులు పెట్టేందుకు అదానీ గ్రూప్ మరో కీలక ప్రతిపాదన తీసుకొచ్చింది. శ్రీకాకుళం జిల్లాలో సుమారు రూ.16 వేల కోట్లతో టైటానియం ప్లాంట్ ఏర్పాటు చేయనుంది. ఈ అంశంపై కరణ్ అదానీ నేతృత్వంలోని ప్రతినిధులు సీఎం చంద్రబాబుతో చర్చించారు. రాష్ట్రంలోని బీచ్‌శాండ్‌లో లభించే ఇల్మెనైట్‌ను వినియోగించి టైటానియం ఆధారిత ఉత్పత్తులను తయారు చేసే అవకాశాలను సమావేశంలో వివరించారు. దీంతో పాటు పలు ప్రతిపాదనలను కూడా సంస్థ ప్రతినిధులు ప్రభుత్వం ముందుంచారు.