ఏపీలో ప్లాట్లు కొనేవారికి గుడ్ న్యూస్.. మంత్రి కీలక ప్రకటన.. ఆ ఇబ్బందులు తప్పినట్టే

Minister Narayana on unauthorized layouts in Andhra pradesh: ఏపీలో ప్లాట్లు కొనేవారికి మున్సిపల్ శాఖ మంత్రి నారాయణ శుభవార్త వినిపించారు. రాష్ట్రంలో అనధికార లేఅవుట్లపై ప్రజలకు సమాచారం లేక ఇబ్బందులు పడుతున్నారన్న నారాయణ.. అక్రమ లేఅవుట్లపై వారికి వివరాలు తెలియజేస్తామన్నారు. పేపర్లు, టీవీల్లో ప్రకటనలు ఇవ్వనున్నట్లు వెల్లడించారు. అలాగే సర్వే నంబర్లను సైతం రిజిస్ట్రార్ ఆఫీసులకు పంపిస్తామన్న మంత్రి.. రిజిస్ట్రేషన్ సమయంలో ప్లాట్ల గురించి పూర్తి సమాచారం తెలుస్తుందన్నారు. ఇక అమరావతి ఆర్-5 జోన్‌లో ఇళ్లస్థలాలు పొందిన వారికి వారి సొంతూర్లలోనే ఇళ్లస్థలాలు ఇస్తామని మంత్రి చెప్పారు. అలా కుదరకపోతే టిడ్కో ఇల్లు కేటాయిస్తామని వివరించారు.