ఏపీలో బయోడైవర్సిటీ పార్కులు.. ఆ మూడు చోట్లా.. ప్రభుత్వం నిర్ణయం..!

ఏపీ ప్రభుత్వం మరో కీలక నిర్ణయం తీసుకున్నట్లు తెలిసింది. జీవ వైవిధ్యాన్ని సంరక్షించే చర్యల్లో భాగంగా రాష్ట్రంలో బయోడైవర్సిటీ పార్కులు ఏర్పాటు చేయాలని నిర్ణయించినట్లు సమాచారం. రాష్ట్రంలోని ప్రతి ఉమ్మడి జిల్లాలో ఈ తరహా పార్కులు అభివృద్ధి చేయాలని సంకల్పించినట్లు తెలిసింది. అందులో భాగంగా తొలుత తిరుపతి, విశాఖపట్నం, అమరావతిలో బయోడైవర్సిటీ పార్కులు ఏర్పాటు చేయనున్నట్లు సమాచారం. అలాగే తలకోన, కపిలతీర్థం ప్రాంతాలను కూడా బయోడైవర్సిటీ హెరిటేజ్ సైట్లుగా ప్రకటించాలని ప్రభుత్వం ఆలోచన చేస్తోంది.