ఏపీలో బ్యాటరీ స్టోరేజ్ పవర్ ప్లాంట్లు.. ఆ ప్రాంతాల్లోనే.. కేంద్రం గ్రీన్ సిగ్నల్!

ఏపీకి కేంద్రం మరో గుడ్ న్యూస్ వినిపించింది. ఆంధ్రప్రదేశ్‌లోని నాలుగు చోట్ల బ్యాటరీ స్టోరేజ్ పవర్ ప్లాంట్లు ఏర్పాటు చేయనున్నట్లు సమాచారం. దీనికి కేంద్రం గ్రీన్ సిగ్నల్ ఇచ్చినట్లు తెలిసింది. సుమారుగా రూ.5,200 కోట్ల వ్యయంతో.. వేయి మెగావాట్ల సామర్థ్యంతో ఈ బ్యాటరీ స్టోరేజ్ పవర్ ప్లాంట్లు ఏర్పాటు చేయనున్నట్లు సమాచారం. ఈ ప్లాంట్ల ఏర్పాటు కోసం కుప్పం, తూర్పు గోదావరి, వైఎస్ఆర్ జిల్లా మైలవరం, కర్నూలు జిల్లా గని ప్రాంతాలను ప్రతిపాదించినట్లు తెలిసింది. కేంద్ర సంస్థ నేషనల్ హైడ్రో పవర్ కార్పొరేషన్ సహకారంతో వీటిని ఏర్పాటు చేయనున్నట్లు సమాచారం.