ఏపీలో రికార్డుస్థాయిలో రిజిస్ట్రేషన్లు.. ఒక్కరోజులోనే కళ్లుచెదిరే ఆదాయం

రాష్ట్రంలో భూముల రిజిస్ట్రేషన్‌ విలువల్లో ప్రభుత్వం మార్పులు చేసింది. ఖరారుచేసిన కొత్త రిజిస్ట్రేషన్‌ విలువలు శనివారం నుంచి అమల్లోకి వచ్చింది. కొన్ని ప్రాంతాల్లో విలువ తగ్గించగా.. మరికొన్నిచోట్ల పెరిగాయి. అయితే, భూముల రిజిస్ట్రేషన్ విలువలు సగటున 20 శాతం పెరిగాయి. ప్రభుత్వం ఈ భూముల విలువల్ని నివాస స్థలాలు, వాణిజ్యంగా అభివృద్ధి చెందిన ప్రాంతాల ప్రాతిపదికన సవరించింది. 'రాష్ట్రవ్యాప్తంగా 16,997 గ్రామాల్లో 9,054 వార్డుల్లో భూముల విలువ సవరించినట్టు ప్రభుత్వం తెలిపింది.