ఏపీలో వాలంటీర్లకు గుడ్‌న్యూస్.. రూ.10వేల గౌరవ వేతనంపై క్లారిటీ, పవన్ కళ్యాణ్ కీలక వ్యాఖ్యలు

Pawan Kalyan Key Comments On Volunteers: ఏపీ డిప్యూటీ సీఎం పవన్ కళ్యాణ్ వాలంటీర్ల అంశంపై కీలక వ్యాఖ్యలు చేశారు. అల్లూరి సీతారామరాజు జిల్లా పర్యటనలో భాగంగా రచ్చబండ కార్యక్రమం నిర్వహించారు. ఈ క్రమంలో గత ప్రభుత్వ హయాంలో వాలంటీర్లుగా పనిచేసిన పలువురు తమ సమస్యల్ని చెప్పుకోగా.. పవన్ స్పందించారు. వాలంటీర్ల నియామకాలపై గత ప్రభుత్వం యువతను మోసం చేసిందని విమర్శించారు. వాలంటీర్ల జీతాల చెల్లింపులపై స్పష్టత లేదని, దీనిపై సీఎం చంద్రబాబు, మంత్రి లోకేష్‌లతో చర్చిస్తానని తెలిపారు.