ఏపీలో స్పోర్ట్స్ సిటీ, 2 వేల ఎకరాల్లో.. ఆ నియోజకవర్గంలోనేనా!

అమరావతిలో అంతర్జాతీయ ప్రమాణాలతో స్పోర్ట్స్‌ సిటీ ఏర్పాటుకు కసరత్తు జరుగుతోంది. ప్రపంచ స్థాయి సదుపాయాలతో అమరావతిలో స్పోర్ట్స్ సిటీకి ప్రణాళికలు సిద్ధం చేయాలని ముఖ్యమంత్రి నారా చంద్రబాబు నాయుడు ఇప్పటికే అధికారులను ఆదేశించిన సంగతి తెలిసిందే. ఈ నేపథ్యంలో స్పోర్ట్స్ సిటీని ఎక్కడ ఏర్పాటు చేయాలనే దానిపై కసరత్తు జరుగుతోంది. ఈ క్రమంలోనే మున్సిపల్ శాఖ మంత్రి నారాయణ.. అమరావతి స్పోర్ట్స్ సిటీ ఏర్పాటుపై కీలక అప్ డేట్ ఇచ్చారు. స్పోర్ట్స్ సిటీ మీద కమిటీ ఏర్పాటు చేస్తామని, కమిటీ నివేదిక ఆధారంగా ముందుకెళ్తామని వివరించారు.