ఏపీలోని ఆ ఆలయానికి మహర్దశ!.. రూ.100 కోట్లతో అభివృద్ధికి ప్రణాళికలు

దేశంలోని అతికొద్ది సూర్య దేవాలయాలలో ఒకటైన అరసవల్లి సూర్యనారాయణస్వామి ఆలయాన్ని అభివృద్ధి చేసేందుకు ఏపీ ప్రభుత్వం చర్యలు చేపడుతోంది. రూ.100 కోట్లతో అరసవల్లి దేవస్థానాన్ని అభివృద్ధి చేయాలని ప్రణాళికలు రచిస్తోంది. ఈ విషయాన్ని ఏపీ మంత్రి కింజరాపు అచ్చెన్నాయుడు తెలిపారు. శ్రీకాకుళంలో జరిగిన ఓ ప్రైవేట్ కార్యక్రమంలో మంత్రి అచ్చెన్నాయుడు పాల్గొన్నారు. ఈ సందర్భంగా మాట్లాడిన అచ్చెన్న.. శ్రీకాకుళం సమగ్ర అభివృద్ధికి చర్యలు తీసుకుంటున్నట్లు చెప్పారు. ఈ క్రమంలోనే అరసవల్లి ఆలయాన్ని వందకోట్లతో అభివృద్ధి చేయనున్నట్లు చెప్పారు.