కొడాలి నాని ఈజ్ బ్యాక్.. కానీ.. ఏవీ నాటి ఉరుముల్, మెరుపుల్..!

తిరుమల లడ్డూ వివాదంపై వైసీపీ కౌంటర్ అటాక్ స్టార్ట్ చేసింది. సీఎం చంద్రబాబు, టీడీపీ కూటమి నేతలు చేస్తున్న ఆరోపణలకు బలంగా బదులిస్తోంది. వైఎస్ జగన్‌తో పాటుగా కీలక నేతలు.. ఈ వివాదంపై తమ వాణి వినిపిస్తున్నారు. ఈ క్రమంలోనే మాజీ మంత్రి కొడాలి నాని, పేర్ని నాని విలేకర్ల సమావేశం నిర్వహించారు. చంద్రబాబు రాజకీయ కారణాలతోనే అబద్ధాలు ప్రచారం చేస్తున్నారని కొడాలి నాని ఈ సందర్భంగా మండిపడ్డారు. తిరుమల ఆలయాన్ని రాజకీయాల్లోకి లాగుతూ.. ప్రతిష్ట దెబ్బతీస్తున్నారని మండిపడ్డారు.