కొత్త రేషన్‌ కార్డులు మంజూరు.. కలెక్టర్లకు సీఎస్ కీలక ఆదేశాలు

తెలంగాణ కొత్త రేషన్ కార్డుల మంజూరుపై కీలక అప్డేట్ వచ్చింది. ముందుగా ఎమ్మెల్సీ ఎన్నికల కోడ్ లేని మహబూబ్ నగర్, రంగారెడ్డి, హైదరాబాద్ జిల్లాల్లో ఇచ్చేందుకు ఏర్పాట్లు చేస్తున్నట్లు సీఎస్ శాంతి కుమారి వెల్లడించారు. ఈ మేరకు ఆయా జిల్లాల కలెక్టర్లకు ఆదేశాలు జారీ చేశారు. కోడ్ ముగిసిన తర్వాత అన్ని జిల్లాల్లో కార్డులు మంజూరు చేయనున్నట్లు స్పష్టం చేశారు.