ఖమ్మం వరద బాధితులకు బీఆర్ఎస్ ఎంపీ భారీ విరాళం.. వారం పాటు ఉచిత వైద్యం..!

తెలుగు రాష్ట్రాల్లో వచ్చిన వరదలు ప్రజలకు తీవ్ర నష్టాన్ని మిగిల్చాయి. ఖమ్మం లాంటి ప్రాంతంలో మున్నేరు వాగు ఉగ్రరూపానికి తీర ప్రాంతాలు కకావికలమయ్యాయి. కాగా.. వరద బాధితుల కోసం పెద్ద ఎత్తున విరాళాలు వెల్లువెత్తుతున్నాయి. ఈ క్రమంలోనే.. ఖమ్మం వరద బాధితులకు హెటిరో డ్రగ్స్ అధినేత, ఎంపీ బండి పార్థసారధి భారీ విరాళం ప్రకటించారు. విరాళంగా కోటి రూపాయలు ప్రకటించిన పార్థసారధి.. ఆ చెక్కును ఖమ్మం కలెక్టర్‌కు అందజేశారు.