'గచ్చిబౌలి' ప్రభాకర్.. వారంలో ఆ ఒక్క రోజే చోరీలు, వీకెండ్‌లో జల్సాలు..!

మోస్ట్ వాంటెడ్ దొంగ, గచ్చిబౌలి ప్రిజం పబ్ కాల్పుల కేసు నిందితుడు బత్తుల ప్రభాకర్ గురించి సంచలన విషయాలు వెలుగులోకి వస్తున్నాయి. వారంలో ఏడు రోజులుంటే అతడు గురువారం ఒక్కరోజు మాత్రమే దొంగతనాలు చేస్తాడని పోలీసులు గుర్తించారు. గురువారానికి ముందు మూడ్రోజులు రెక్కీ నిర్వహించి.. దొంగతనం తర్వాత మూడ్రోజులు ఎంజాయ్ చేస్తాడని తెలిపారు. కనీసం రూ.10 లక్షలు గిట్టుబాటు కానిదే అతడు చోరీలు చేయడని పోలీసుల విచారణలో వెల్లడైంది.